Blokkurin til Føroya er ein partur av samlaðu donsku fíggjarlógini, og tí verður ikki ein serstøk atkvøðugreiðsla um blokkin, sum mong tykjast halda.

Eftir eitt innslag í Degi og Viku fríggjakvøldið hava fleiri havt at mær, tí eg ætli at atkvøða fyri eini semju millum landsstýrið og donsku stjórnina um hægri blokk, um henda semja verður partur av donsku fíggjarlógini. 

Eg skal tí greiða frá orsøkini:

Javnaðarflokkurin segði púra greitt í valstríðnum, at vit IKKI ætlaðu at draga føroyskan partapolitikk niður á Christiansborg. Hinvegin lovaðu vit, at vit í okkara virki á Fólkatingi skuldu virða tann meirilutan, sum situr í Føroyum.

Nú hendi tíverri tað eftir løgtingsvalið, at Føroyar fingu mest reaktioneru samgongu, vit nakrantíð hava havt. Tað haldi eg sjálvsagt sera lítið um.

Men í mínum starvi á fólkatingi má eg kortini virða henda veruleika. Eg kann ikki gjøgnum fólkatingið fara í víggj ímóti tí demokratiska meirilutanum í Føroyum. Okkara innlendis partapolitiska stríð skal eftir mínum tykki førast í Føroyum - ikki í Danmark.

 

Partur av fíggjarlógini

Annars er at siga, at ein møgulig semja um hægri blokk IKKI kemur til atkvøðugreiðslu fyri seg. Semjan kemur einans í fólkatingssalin sum ein partur av donsku fíggjarlógini. Eg hevði sostatt bara kunnað atkvøtt ímóti við at atkvøtt ímóti allari fíggjarlógini.

Og tað hevði absolutt ongan mun gjørt. Tað er vanligt í Danmark, at fíggjarlógin verður samtykt við sera stórum meiriluta. Tvs. at tá samráðingarnar eru lidnar, so virða øll úrslitið. Eisini tey, sum sita í minniluta. Og tað er longu greitt, at Venstre fer at stemma fyri hesaferð.

Eg stemmi eisini fyri donsku fíggjarlógini. Tað geri eg m.a. fyri at virða úrslitið av teimum tingingum, sum eg sjálvur havi við danskar ráðharrar - m.a. um ætlaðu sparingarnar innan løgregluna í Føroyum.

Men eg geri tað eisini fyri at virða úrslitið av teimum samráðingum, sum verða millum Danmark og Føroyar um blokkin. Tað haldi eg, at eg sum føroyskt fólkatingsumboð eigi at gera.

Eg sigi sjálvsagt eisini - á røttum stað - mína erligu meining um ætlanina at hækka blokkin. Men eg geri samstundis púra greitt, at hetta er eitt mál millum landsstýrið og donsku stjórnina.

 

Føroyskur flatskattur - donsk lántøka

Sum Søren Espersen segði í útvarpinum í gjár, er helst undirtøka í Danmark fyri at tiðna blokkin.

Men um tað fer at eydnast landsstýrinum at HÆKKA blokkin, er helst ivasamt.

Fastfrystingin byggir jú á avtalur, sum eru gjørdar á hvørjum ári í eini níggju ár. Eitt samt løgting hevur í flestu førum staðið aftanfyri. At uppsiga slíkar avtalur við afturvirkandi kraft er sera óvanligt - og ið hvussu er hevur landsstýrið ikki krav uppá nakað.

Danski fíggjarmálaráðharrin kann heldur ikki bara taka nærum 200 milliónir úr statskassanum. Hann er jú skralltómur. Pengarnir mugu lænast.

Undir slíkum umstøðum er ikki ósannlíkt, at danska stjórnin fer at hyggja at, hvat pengarnir skulu brúkast til. Og so er spurningurin, um hon vil fíggja føroyskan flatskatt við danskari lántøku...

Eg veit tað ikki. Og tað er ikki mítt borð. Eg kann bara hugsa mær, at samráðingarnar verða truplar.

Men uttan mun til hvat úrslitið verður, hevði tað verið púra skeivt av mær sum føroyskum fólkatingsmanni at atkvøtt ímóti eini avtalu, sum Føroya Landsstýri ger. 

Rigmor Dam á Fólkating

28. Feb 2019

Rigmor Dam á Fólkating Í morgun varð útskiftingin í fólkatingsmanningini hjá Javnaðarflokkinum formliga góðkend í fólkatingssalinum, og Rigmor Dam tekur sæti fyri Sjúrð Skaale komandi vikuna.Rigmor Dam hevur drúgvar royndir í føroyskum politikki sum bæði løgtings- og landsstýriskvinna. Hon varð fyrstu ferð vald inn á...

les meir

25 mió. til vitan um ríkisfelagsskapin – soleiðis skulu pengarnir brúkast

28. Feb 2019

Forsætismálaráðharrin, løgmaður og landsstýrisformaðurin í Grønlandi hava gjørt avtalu um at fara undir eina røð av tiltøkum, sum m.a. fara at styrkja vitanina hjá dønum um Føroyar. 25 mió.kr. eru settar av til endamálið á donsku fíggjarlógini komandi fýra árini. ...

les meir

Mitt í sjónum: Føroysk shippingvinna, mikudagin 30. januar í Løkshøll

25. Jan 2019

Hvønn týdning hevur shippingvinnan fyri føroyska búskapin og fyri aðrar vinnur? Hvat fer havnaútbyggingin í Runavík at bera við sær? Kann shippingvinnan gerast meira umhvørvisvinarlig? Og kann Strandferðslan sigla við el í staðin fyri olju millum oyggjarnar? Mikukvøldið 30. januar kl. 19.00 bjóðar Javnaðarflokkurin...

les meir

Novo-málið: Danir hava gott samstarv við grunnar

23. Jan 2019

Danir hava drúgvar royndir við at samstarva við grunnar í menningini av vælferðarsamfelagnum, vísir svar frá stjórnini. – Í einum væl skipaðum samstarvi er ongin orsøk at stúra Novo-grunnin, sigur fólkatingslimur Javnaðarfloksins.

les meir

Henrik Old á Fólkating

15. Jan 2019

- Hetta er ein spennandi avbjóðing, so eg ivaðist ikki í at taka av, hóast tað bert er fyri eitt stutt tíðarskeið, sigur Henrik Old.

les meir

Takk fyri eitt gott samstarv og góð úrslit

19. Des 2018

Javnaðarflokkurin hevur samstarvað væl við fráfarandi donsku stjórn, hóast hon hevur verið blá. Vit gera kortini ikki sum Tjóðveldi , og seta okkara atkvøðu á uppboðssølu til hægsbjóðandi eftir valið. (Tala hjá Sjúrði Skaale undir 3. viðgerð av donsku fíggjarlógini)

les meir

Fólkatingið uppraðfestir Arktis

28. Nov 2018

Teir føroyingar sum verða valdir á Fólkating næstu ferð, skulu manna nýggjar sessir í skipanini Formansskapurin hjá Fólkatinginum setti í 2014 niður ein arbeiðsbólk við átta fólkatingslimum at arbeiða við málum viðvíkjandi Arktis. Teir fýra norðuratlantisku fólkatingslimirnir fingu allir sæti í bólkinum. Eftir valið...

les meir

Javnaðarflokkurin ger avtalu um 9,5 mió. kr. til Posthús-verkætlanina

19. Nov 2018

Seinasti parturin av fíggingini at byggja Mentanarhúsið í Klaksvík er komin undir land. Tað er greitt eftir at Javnaðarflokkurin hevur gjørt avtalu við donsku stjórnina um 9,5 mió. kr til verkætlanina. Harumframt eru 2 mió. kr. játtaðar at gera Gamla Hospital í Havn liðugt.

les meir